ခက်သုံးလုံး

မမေ့ဘူး မေထူးတဲ့ရှင်
ရင်ဘတ်ပြင် အစိုင်ငွေ့တွေနဲ့
စရိုက်သွင် တူညီခဲ့တာကြောင့်
ပျော်မြူးလို့ရွှင်။
ဆူးပင်လယ်နဲ့ ကျောက်တောင်ပြင်
မောင်မထင် အခက်ရယ်လို့
ပျက်ရယ် ပြုချင် ။
မေရှိတဲ့ ဟိုတောင်ပြင်
အောင်မြင်ဖို့ ချေလှမ်း
ဇာတ်လမ်းဟောင်း အသစ်မြင်
ဒို့အရင် ဘိုးဘွားကစ
တားမရ .သံယောဇဉ်. ။
ဆေးကြိုက်တဲ့ အဘိုးရင်
အဘွားခင် လက်မအားတာကြောင့်
ဖက်စိမ်းစို နေကိုပြဖို့ရယ်
မေ့ခဲ့လို့ စိတ်မရွှင် ။
သူလာရင် ဘယ်လိုဖေးရမယ်
ဆေးလိပ်ဖို့ အကြံထွင်
ဖက်စိုပြင် အိပ်ယာအောက်
ခြောက်ဖို့ ဥာဏ်ဆင် ။
ကြီးမားတဲ့ သံယောဇဉ်
မဆုံးပါ သုံး.ပါဒ.ကျော့ကွင်း
ရဟတ်ယာဉ် ဒီစက်ကွင်းမှာ

မျောပါလို့ဆင်း။

စကားဝါတစ်ပွင့်ပေးပြီး

(၂)
ရာသီအဖုံဖုံက
ဝတ်ရုံအထပ်ထပ်မလို့ကပွဲကပြန်လာကြပြီ
မြေနီလမ်းမဆီမှာတော့ ငါတစ်ယောက်တည်း
မင်းကိုမျှော်ငေးရင်း စကားဝါပွင့်တွေဝေသီ
ငါ့တစ်ယောက်တည်းအတွက် မြှုခိုးတွေမိုးလိုရွာပြီ
မြူခိုးတွေမိုးလို၇ွာပြီ...............

ကြာခဲ့ပါပြီ
ဒီစကားဝါပင်ကြီးအောက်မှာပဲ
ပြန်လာမယ်ဆိုတဲ့အသိနဲ့
ပန်းတစ်ပွင့်ကိုပေးရင်း
နှုတ်ဆက်နမ်းခဲ့တဲ့နဖူးပြင်ကို ဖွဖွပေးထိတွေ့ရင်း
လှိုက်မောစွာနဲ့ပင်အိုကိုမော့ကြည့်
စကားတစ်ခွန်းမေးမိတယ်
သူဘယ်မှာလဲ သိပါသလားကွယ်.............

ခဏချင်းငြိမ်သက်
အကိုင်းအလက်တွေလဲတောင်ပံခတ်လို့
လက်ဝင်းဆူးရဲတဲ့အလင်းတွေနဲ့
ဖြုန်းခနဲသက်ဝင်လှုပ်ရှား
ဆိတ်ငြိမ်တဲ့သူနှလုံးသားက
စကားဝါပန်းနဲ့အလွမ်းသည်မငါ့ကို
သနားလိုသည်ထင်ရဲ့
ပင့်သက်ကိုဖွဖွလေးထုတ်
ငါမသိတဲ့ပုံပြင်တစ်ပုဒ်ကို
မြေနီလမ်းထက်မှာဖြန့်ကြဲ
အနီရောင်တွေရဲခနဲပါပဲလေ
တကယ်တော့
စကားဝါတစ်ပင်တည်းအောက်မှာနားပြီး
ကမ္ဘာခြားနေတဲ့အဖြစ်
နာကျင်ဖို့ကောင်းလိုက်တာ
သံယောဇဉ်မီးစက်တွေက ပရိဒေ၀နဲ့ပေါင်းပြီ
နက်ရှိုင်းစွာရှိုက်အော်
မင်းခေါ်သံကိုငါကြားရပြီ
နွေမိုးဆောင်းအလီလီကို
သူတစ်ယောက်တည်းအံတုလို့
ဒြပ်ထုမရှိတဲ့ခန္ဓာနဲ့
ပူလောင်ပင်ပန်းစွာ မင်းငိုကြွေးနေတာကို
သိခွင့်မရတဲ့အဖြစ်
ဘယ်သူဖွင့်လှစ်ခဲ့တဲ့ကျိန်စာဆိုးလဲ
ရှင်သန်မှုနဲ့သေဆုံးမှုကြားက
ခြားထားတဲ့စည်းတစ်ခုဟာ
နှလုံးသားတစ်စုံကိုဟန့်တားနိုင်တဲ့
ဓါးသွားတစ်လက်သာဆို၇င်...........................


ဟေ့ချစ်သူရေ
မီးဖိနပ်ကိုစီး ခ၇ီးကြမ်ကိုနှင်
မင်းရင်ခွင်ကို ကိုးစား
ငါ့မှာခွန်အားအပြည့်ပါ
ဆတ်ဆတ်ခါနေတဲ့ပီတိအဟုန်နဲ့
အဖန်ငါးရာကိုဘေးချိတ်
ဟိုးတောင်ကုန်းထိပ်ကနေပြီး
မင်းရှိတဲ့ကမ္ဘာကို ငါလာမှာပေါ့ကွယ်
စကားပါတစ်ပွင့်သာပန်ခွင့်ပေး
အဖန်ငါးရာကိုလည်းဝန်မလေးဘူး
လွင့်ခနဲဟာသွားတဲ့ခံစားမှုက
ရှင်သန်ခြင်းကိုဖောက်ထွက်
မိုးယံထိတက်မယ့်အချစ်က
ငါ့အချစ်ကိုကယ်မမယ်ဆိုရင်
ကယ်မမယ်ဆိုရင် .......ကယ်မမယ်ဆိုရင်...........

စကားဝါတစ်ပွင့်ပေးပြီးခ၇ီးရှည်ကြီးထွက်သွားသူ

(၁)
နွေမင်းကသူ့လက်ညိုးနဲ့
စကားဝါပင်ကိုထိုးလို့
ရွက်ဝါတို့တစ်ဖြုတ်ဖြုတ်နဲ့ကြွေ
အိပ်မက်တွေလဲသေတော့မယ်ထင်ရဲ့
မင်းလက်နဲ့ဖန်ဆင်းခဲ့တဲ့
စကားဝါတစ်ပွင့်ကတော့
ရင်ဘတ်အဆုံးထိ
အနက်ရှိုင်းဆုံးမှောင်မိုက်
လောင်တိုက်နဲ့ဝေးရာမှာ
တစ်ပွင့်တည်းတုန်ခါငိုရှိုက်လို့
မျှော်လင့်ချက်ကိုအသိုက်ဖွဲ့
ခပ်ယဲ့ယဲ့လေးသာ.......
ဒါပေမယ့် အဲဒီပန်းစကားဝါမှာ
ရနံ့မပါပေမယ့် အိမ်မက်တွေတင်းကြမ်းနဲ့မို့
နွေလမ်းကိုလဲလျှောက်လို့ရသေးတယ်

နွေမင်းကအထွက်
မိုးစက်တို့အ၀င်ကာလ
အိမ်ခေါင်မိုးပေါ်မှာ ကပွဲသဘင်ဆင်ယင်လို့အားမ၇
ပြတင်းတံခါးကနေပြီး
ဇွတ်အတင်းဝင်ရောက်
စကားဝါရနံ့တွေနဲ့တည်ဆောာက်ထားတဲ့
ငြိမ်သက်အေးခဲမှုကိုဖောက်ထုတ်
ပန်းတစ်ပွင့်နဲ့ကျောက်ရုပ်
ငါ့ကို အရုးလို့သမုတ်ကြတယ်
အို....မိုးကြမ်းတို့
စကြာဝဠာအပြင်ဘက်သို့သွားပါ
ငါ့ချစ်သူလာရာလမ်းမှာ
လက်တားလို့မကာပါနဲ့
ဟောဒီပရ၀ုဏ် မှာတော့
ငါ့မျက်ရည်မိုးကြောင့်ပျိုးပျက်လက်ထန်
ပန်းပွင့်ဖို့တောင်မကျန်တော့တာမို့
သူပျိုးခဲ့တဲ့စကားဝါဖူးတွေ
မင်းကြောင့်ကြွေကုန်ရင်
ချစ်သူုငြိုငြင်လိမ့်မယ်
သွားပါတော့မိုး၇ယ်.........

ဒီလိုနဲ့ပဲ မိုးစက်တို့ကွယ်ဝေးပျောက်ဆုံး
နှုင်းမှုန်တွေပိတ်ဖုံးလို့
အခုလိုဆောင်းဦးမှာ
မင်းပန်ပေးဖူးတဲ့ စကားဝါအဖူးတွေက
ငါ့ရင်ဘတ်ပေါ် တစ်ပွင့်ခြင်းခုန်ချရင်း
ပြည့်ကျပ်မို့မောက်နေတဲ့ အလွမ်းတွေကိုငုံ့ကြည့်
လွမ်းသူချင်းဆိုတဲ့အသိနဲ့
ငါ့ကိုဖေးမ သူတို့ပါကူလွမ်းပါရစေတဲံ
နေပါစေတော့ပန်းပျိုတို့ရေ
မင်းတို့သခင်ပြန်လာရင်လေ
အဲဒီအလွမ်းမျှင်တွေကိုစုစည်းပြီး
ခြုံလွှာတစ်ထည်ကိုယက်
စကားတစ်ပွင့်နဲ့ရူးမတက်ဖြစ်ရတဲ့
မိန်းမတစ်ယောက်ရဲ့မျက်ရည်စက်တွေနဲ့
ထွဋ်မြတ်စွာဆေးခြယ်ပြီး
ဆောင်းနှောင်းရာသီထိ သစ္စာရှိရှိချစ်နေမယ်ဆိုတာသာ
ပြောပေးပါတော့ကွယ်......
်

ချစ်တယ်ဆိုတာမင်္ဂလာပါ

အချိုစကား နှစ်ကိုယ်ကြားဝယ်
ကြည်နူးပျော်မွေ့
အဝေးမကွာနေချင်တာကြောင့်
သူငါမခြား အချစ်နားဝယ်
ဝဲလည်မဆုံး
အပြုံးကမ္ဘာရှိနေတာကြောင့်
အချစ်စကား
နားမခါးနဲ့
အချစ်ပါဝါ
ကမ္ဘာတည်တယ်
လူတွေလည်းချစ်
နတ်တွေချစ်တယ်
ချစ်တယ်ဆိုတာ
မင်္ဂလာပါ။

ရင်ငွေ့လှုံသောနေ့

ရက်စွဲတွေ နေရာချိန်းပေမယ့်
ပန်းနုရောင်သွေးစက်ပျောက်တွေ
ရင်ဘတ်အောက်မှာရှိနေတယ်။
ဆောင်းနှင်းတွေဝေခဲ့ပြီးနောက်
နွေပေါက်ပြီးသစ်ခြောက်ကြွေသော်လည်း
နောင်တစ်ချိန်နှင်းတွေကြားမှာ
ပျော်ချင်သေးတဲ့အသိတွေရှိတယ်။
မိုးစက်တွေ မြေခနေသော်လည်း
သက်တန့်ရောင် မျက်အစုံကြားမှာ
အရိပ်တွေထင်ကျန်နေတယ်။
ရွှေရောင်ချောကလက်တစ်ခု
ရင်ငွေ့လှုံသောနေ့လေးမှာ
အသဲကျောက်စာအဖြစ်နဲ့
အချစ်ကိုတည်ဆောက်ထားတယ်
ရှင်သန်သောခြေလှမ်းတွေ
ခိုင်မာသောသတိတွေ
ပြီးတော့...ပြီးတော့...
တည်ရှိနေတဲ့ ဒီနေ့တွေပေါ့.........

လမ်းပေါ်ရောက်ပြီလား

လမ်းပေါ်ရောက်ပြီလား ဆိုတဲ့စကားလေးဟာ မိတ်ဆွေသူငယ်ချင်းတစ်ယောက်ရဲ့ စကားလုံးလေးပါ။
မှတ်မှတ်ရရပေါ့ သူငယ်ချင်းတွေဆုံမိတုံး ၀ိုင်းထိုင်လို့ စပ်မိစပ်ရာ စကားလေးပြောဖြစ်ကြတယ် ။ များသောအားဖြင့် လူတွေဟာ လမ်းပေါ်ကလူဆိုရင် သိပ်ပြီးအထင်မကြီးတတ်ကြဘူးလေ။ စင်ပေါ်ရောက်မှ၊ အမြင့်ရောက်မှ အထင်ကြီးကြတဲ့လောကကြီးဆိုတော့ လမ်းပေါ်ကလူဆိုရင် မျက်လုံးစိမ်းကြီးတွေနဲ့ အကြည့်တွေက စိမ်းတတ်ကြတယ်လေ။ ဒါကလဲဖြစ်တတ်တဲ့နိယာမ သဘောဆိုတော့ သူ့တို့ကိုလဲ အပြစ်ကမဆိုသာဘူးပေါ့။ ခေတ်ကြီးကိုက ဂုဏ်ကိုခင် ပကာသနကိုမင်ကြတဲ့ခေတ်ကြီးဆိုတော့ လမ်းပေါ်ကလူဆိုရင် တေလေကြမ်းပိုး၊ ယောင်ခြောက်ဆယ်၊ အလုပ်မရှိ အကိုင်မရှိတဲ့သူလို့ ထင်ကြတာကလား။
လမ်းပေါ်ကလူနဲ့ လမ်းဘေးကလူ သိပ်မခွဲခြားတတ်တာလဲ ဖြစ်နိုင်လောက်ပါတယ်။ လူဟာ သူ့ဟာနဲ့သူ တန်ဖိုးတော့ရှိကြတာပေါ့၊ အကုန်လုံးသုံးစားလို့ မရတာတော့ မဟုတ်ပါဘူး။
လမ်းဘေးရောက်တဲ့သူဟာ အတော်ရှားပါတယ်။ ပညာဘယ်လောက်တတ်တတ်၊ ပစ္စည်းဥစ္စာဘယ်လောက်ပေါပေါ လူအများနဲ့ သဟဇာတမဖြစ် ၊ ကိုယ့်အကျိုးတစ်ခုတည်းကိုသာ ကြည့်တတ်တဲ့လူတန်းစားတွေဟာ လမ်းပေါ်ရောက်တဲ့ လူတန်းစားထဲ မပါနိုင်ပါဘူး၊
ဘေးထိုင်ဘုပြော အကောင်းမမြင်ဝါဒ လက်ကိုင်စွဲထားတဲ့သူတွေပေါ့။
တစ်ခါတုန်းက ၀တ္ထုလေးတစ်ပုဒ်ဖတ်လိုက်ရတယ် စာရေးဆရာ ညီငယ်လေးရေးတဲ့ စာလေးပါ။
ကိုသက်ပြင်းဆိုတဲ့ ကြပ်မပြည့်သူတစ်ယောက်အကြောင်းရေးထားတာပါ။ ကိုသက်ပြင်းဟာ ကြပ်မပြည့်ပေမဲ့ ရေထမ်းပြီးသူဘ၀ကို ရုန်းကန်ရှာတယ်၊ ရေပုံးရှိရင် ကိုသက်ပြင်းအတွက် ဘာမှပူစရာမလိုဘူး၊ ရေလိုတဲ့အိမ် ရေထမ်းပေး ကျွေးတဲ့ထမင်းစား ပေးတဲ့ပိုက်ဆံယူပြီး သူ့ဘ၀ သူ့လမ်းပေါ်သူလျှောက်နေတဲ့သူ။
တစ်နေ့အလှူအိမ်မှာ ကိုသက်ပြင်းတစ်ယောက် ထမင်းသွားစားတယ် တောဓလေ့အတိုင်း လူကဖိနပ်မစီးဘူး ၊ ဖိနပ်ကလူကိုစီးထားတယ်၊ ဖိနပ်ပျောက်မှာဆိုးလို့ ခါးကြားထဲမှာ နေရာယူထားတယ်ပေါ့။
အဲဒီအချိန်မှာ ဖိနပ်မပါတဲ့ လူကြီးတစ်ယောက် တောင်ဝှေးကြီးနဲ့ အလှူအိမ်ကို သူလဲထမင်းလာစားတယ်၊ အရပ်ထဲမှာပေါ့ အသက်ကြီးတော့ လူရိုသေ ရှင်ရိုသေပေါ့ ။ အလှူအိမ်ရောက်တော့ ထမင်းစားပြီး ကိုသက်ပြင်းခါးကြားက ဖိနပ်ကိုမြင်ပါလေရော၊ အဲဒီမှာပဲ သူ့ဖိနပ် သက်ပြင်းခိုးပါတယ်ဆိုပြီး တောင်ဝှေးနဲ့ ကိုသက်ပြင်ကိုရိုက်ပါလေရော ကိုသက်ပြင်းခမျာ လူးလိမ့်ခံရပါလေရော၊ ဘေးကလူတွေကော ကိုသက်ပြင်းကို ဆဲဆို ကြိမ်းမောင်းလို့ပေါ့။ အဲဒီအချိန်မှာ ဘေးနားအိမ်ကလူတစ်ယောက်က ဖိနပ်မပါဘဲလာတဲ့ အဖိုးကြီးကိုသတိပြုမိထားတော့ သူကသွားပြောတယ် ဘကြီး ခုနလာတုံးက ဖိနပ်ပါလို့လားလို့ တကယ်သိတဲ့သူ လာပြီးမေးမှ ဟုတ်သားပဲ ဘကြီးမေ့သွားတယ် ဖိနပ်ပါမလားဘူးတဲ့ ၊ အဲဒီတော့မှ ကိုသက်ပြင်းခမျာ သက်သာသွားတယ်။ ကိုသက်ပြင်းလဲ သက်သာရာရသွားရော လဲနေတဲ့နေရာကထပြီး ပြောလိုက်တဲ့စကားက ´သက်ပြင်းလေ မခိုးဘူး ငရဲကြီးတတ်တယ် တဲ့` ကဲဘယ့်နဲ့ရှိစ၊ အသိရှိတဲ့ ကြပ်ပြည့်တဲ့သူက ကြပ်မပြည့်တဲ့သူစီက ဖိနပ်ကိုလိုခြင်တယ်။ ဘယ်သူက လမ်းပေါ်ကလဲ ဘယ်သူကလမ်းဘေးလဲ စဉ်းစားကြည့်စေချင်တယ်။
လူ့လောကမှာ ကိုယ့်အတွက်ဘဲ ကြည့်တတ်တဲ့ တစ်ဖို့ထဲသမားတွေ အများကြီးပါ။
အဲဒီလူတွေက လမ်းပေါ်ကလား၊ လမ်းဘေးကလား ၊
သူငယ်ချင်းကို သူ့ဆရားသမားတစ်ပါးက မေးတယ် မင်းဘာလုပ်နေလဲ ဘယ်မှာနေလဲ စသည်ပေါ့။ အဲဒီလိုမေးတော့ သူငယ်ချင်းကဖြေတယ် အခုတော့ တပည့်တော် လမ်းပေါ်မှာဘဲဘုရားလို့ ၊
အဲဒီတော့ သူ့ဆရာသမားကပြောတယ် အေးမင်းစာတတ်သွားပြီတဲ့။
ကဲမိတ်ဆွေတို့ ဒို့လဲ လမ်းပေါ်ကလား လမ်းဘေးကလား ..........................

အမေသို့

တစ်ချိန်က

ကြည်လဲ့ရွှန်းမြ မျက်ဝန်းတစ်စုံ
နဖူးပေါ်မေးလေးတဖွဖွတင်လို့
သီချင်းသံညှင်းသွဲ့သွဲ့ငြီးဆို
ထွေးပိုက်ထားတဲ့ အမေ့ရင်ခွင်မှာ
နှစ်ခြိုက်စွာ အိပ်မောကျခဲ့။
တစ်ချိန်က
လယ်တောပြန်အမေ
စာဝတ်နေရေး မြစ်ကြီးခြားလို့
တစ်နေ့တာလွမ်းသမျှ
အတိုးချကရုဏာနို့ချို
ချွေးစိုပေမယ့် ချိုခဲ့တယ်။
တစ်ချိန်က
ပရိယေသန ချွေးစက်တို့ရှိန်းမြနေတဲ့
အမေ့ကိုယ်သင်းနံ့
ခုထိ ရှိက်မိဆဲ
လက်လက်ဆက်ဆက်မွှေးမြဆဲပေါ့။
တစ်ချိန်က
မြို့ပြပညာသင်ခရီးဆိုပြီး
လောကုတ္တရာမှီးသွားတဲ့သားလေ
လယ်ကွင်းရိုးပြတ်တောတွေကြားမှာ
မျက်ရည်မှုံဝါး
အမေ့ကိုချန်ထားခဲ့မိပေါ့။
တစ်ချိန်က
အမေ
ကမ္ဘာတည်သရွေ့ အမေပေါ့
အမေရယ်.....
စိန္တေရှင်တရား သတင်းစကားတွေနဲ့
ကမ္ဘာတိုင်အောင် ချဉ်းမယ့်သားပေါ့ လို့
ဂုဏ်ယူရတဲ့ အပျော်ထက်
ရင်ခွင်ဆီ မဆိုက်ကပ်နိုင်တဲ့ သားကို
မရောက်တာကြာပေါ့ လို့
မျှော်ရတဲ့အမော
ဘယ်အရာကစီးစီးပိုးပိုးရှိခဲ့လေမလဲ။
ဇရာမြူတွေမှိုင်းနေတဲ့
အမေ့မျက်ဝန်း ဓာတ်မခွဲရက်
မေတ္တာနဲ့သာ နီးကြပါစို့
အမေ။

မရေရာသောအတွေးမျးနဲ့ သေချာသောအလွမ်းများ

မသေချာသောအတွေးများနဲ့ သေချာသောအလွမ်းများ (၁) ၂၀၀၉-ခုနှစ်ရဲ့ထွက်ပေါက်က နောက်ဆုံးခြေလှမ်းများနဲ့ ၂၀၁၀-ရဲ့တံခါးမှာခြေချ မဇ္ဈိမဒေသကို ရောက်ခဲ့ရပြန်ပြီ။ ဒီဇင်ဘာလရဲ့ အေးချမ်းတဲ့ရာသီမှာ ရင်မအေးနိုင်စရာ ဘ၀အမောတွေနဲ့ အမိမြေမှ စတင်ထွက်ခွာလာခဲ့တယ်။ အတွေးပေါင်းများစွာနဲ့ ၂၀၁၀-နှစ်သစ်အစမှာ အနာဂါတ်မှတ်တိုင်ရဲ့ ကမ္ဗည်းမော်ကွန်းအတွက် ခြေလှမ်းတွေ သွက်နေလား နှေးနေလား ကိုယ်တိုင်မဝေခွဲနိုင်ခဲ့ဘူး။ ဒီလိုနဲ့ မဇ္ဈိမဒေသကို ဒီဇင်လာလ(၁၈)ရက်နေ့မှာ ရောက်ခဲ့တယ်။ ရောက်ရောက်ချင်း ထုံးစံအတိုင်းတွေ့နေကျ ခါးသည်းတဲ့အရသာကို ခံစားခဲ့ရတယ်။ ဒါပေမယ့် ခံစားဖူးတော့လည်း သိပ်တော့မထူးဆန်းတော့ဘူး။ ရဟန်းတစ်ပါးရဲ့ အသည်းကမာပြီးသားဆိုတော့ ခံနိုင်ရည်တော့ ရှိတာပေါ့။ အသည်းမာပေမယ့် အလွမ်းမျက်ရည်တွေနဲ့ကျစ်ရစ်ခဲ့တဲ့ ဇရာဖိစီး ပါးရည်ပြိုင်းပြိုင်းထနေတဲ့ အဖေနဲ့အမေ၊ ပြီးတော့ အစစအရာရာကျွေးမွေးပြုစုပေးတဲ့ မွေးစားအမေနဲ့ ညီမလေး သူတို့ကိုပြန်ပြီးသတိရမိတယ်။ ကိုယ့်ရဲ့ခရီးလမ်းက ဘာမှန်းမသိသေးပေမယ့် သေချာတဲ့ အလွမ်းလေးတစ်ခုကတော့ ရင်ထဲနေရာယူသွားပြီလေ။ ပုထုဇဉ်းရဟန်းတစ်ပါးရဲ့ ဒိုင်ယာရီမှာလည်း သံယောဇဉ်အနှောင်အဖွဲ့တွေ ရှိနေနိုင်တာ ပါပဲလေ။ အခက်အခဲအခဲတွေနဲ့ကြုံတွေ့တိုင်း အချစ်ဆုံးကိုသတိရတယ်ဆိုတဲ့စကား သိပ်မှန်ပါ လားလို့ တွေးတောမိတယ်။ “အမေနဲ့ဝေး ငါ့သွေးငါ့ချွေးနဲ့ ငါ့ဘ၀ကို ငါခြေချတဲ့အခါ အမေ့သွေး အမေ့ချွေးတွေ လိုနေမှန်း ငါသိခဲ့ရတယ်။”တဲ့။ အမိမြေကို ခွဲခွာလို့ နယ်မြေခြား တိုင်းတစ်ပါးမှာ ပညာရေးအတွက် ခြေချမိချိန်မှာတော့ အမှတ်တမဲ့နေခဲ့တဲ့ အမိအဖ ဆရာသမား ဆွေမျိုးများနဲ့ မိတ်ဆွေအပေါင်းတို့ရဲ့ အကြင်နာ မေတ္တာတွေ သူတို့ရဲ့ကူညီမှုတွေဟာ ငါ့မှာလိုအပ်နေဆဲပါလားလို့ အမှတ်တမဲ့နေခဲ့တဲ့ အမှတ်တရလေးတွေဟာ အလွမ်းလေးတစ်ခုအဖြစ် ပြောင်းလဲလို့ ရင်ထဲမှာနက်ရှိုင်းစွာ ၀င်ရောက်နေရာယူသွားပြန်ပြီ။ သေချာနေတဲ့အလွမ်းတွေအစား မသေချာတဲ့ အတွေးတွေကတော့ ဆက်လက်ပြေးသွားဆဲ။ (၂) လေယာဉ်ခရီးစဉ်ပြီးဆုံးပေမယ့် ဗာရာဏသီကို ခရီးဆက်ရဦးမယ်လေ။ဒီလိုနဲ့ မီးရထား ဘူတာကို သူငယ်ချင်းရဟန်းတစ်ပါးနဲ့အတူ ဆက်လက်ချီတက်ခဲ့တယ်။ မြန်မာပြည်ကထွက်မလာခင်ကတည်းက ရထားလက်မှတ်ဖြတ်ခိုင်းထားတဲ့အတွက် လက်မှတ်ကိစ္စကတော့ မပူပင်ရတော့ဘူး၊ ရင်မောစရာတစ်ခုကတော့ ပေါ့သွားခဲ့တယ်။ ည(၁၁)နာရီမှာ ရထားစတင်ထွက်ခွာခဲ့တယ်၊ အဲဒီမှာပဲ အခက်အခဲတစ်ခုတွေ့ရပြန်တယ်။ အဆင်မပြေမှာစိုးလို့ 3-AC လက်မှတ်ဖြတ်ထားကာမှ ပိုတောင်ဆိုးနေသေး၊ 3-ACဆိုတော့ သုံးယောက် စီးရမယ့်အစား ခရီးသွားဖော်ကုလားကိုယ်တော်ချောတို့က လက်မှတ်နှစ်စောင်ဖြတ်ပြီး မိသားစုလေးယောက် ပေါင်းစီးတော့ နေရာကကြပ်၊ သူတို့ပစ္စည်းတွေလည်းများတော့ ကိုယ့်ပစ္စည်းတောင်ထားစရာမရှိ မနည်းထိုးသိပ်ခဲ့ရတယ်။ ဒုက္ခရောက်လိုက်တဲ့ဖြစ်ခြင်း။ ကိုယ့်ဆီမှာဆို အဲဒီလိုအဖြစ်မျိုးနဲ့မကြုံရ၊ ဘယ်သွားမယ်ဆို အမေနဲ့ညီမလေးတို့ကစီစဉ်ပြီးသား၊ရဟန်းဘ၀ သိက္ခာတော်အရင့်အမာကြီးဖြစ်နေတဲ့အထိ အရေးပေးအလေးထားကြတဲ့ သူတို့ရဲ့ဂရုစိုက်မှုတွေက ပိုပြီးထင်ပေါ်လာပြန်ရော၊ ဒီကြားထဲ ရထားကခဏ ခဏရပ် အတူလာတဲ့သူငယ်ချင်းကပြောတယ်၊ ဒီရထားကကွာ ခြုံပုတ်မြင်တိုင်း ရပ်နေတာပဲတဲ့၊ ဗိုက်တွေကဆာ၊ သွားတဲ့ခရီလမ်းကအဆင်မပြေ လွမ်းပါတယ်ဆိုမှ ငိုချင်သူကို လက်တို့သလိုဖြစ်နေပြီ။ မီးရထားကဂျုံးဂျုံးဂျက်ဂျက် ရင်မောစရာအတွေးတွေက ဒိန်းဒိန်းဒက်ဒက်နဲ့ ရထားခေါ်ဆောင်ရာနောက်ကို အတွေးတွေနဲ့လိုက်ပါသွားခဲ့ရတယ်။ ဒီလိုနဲ့ ဗာရာဏသီကို ၁၉-ရက်နေ့ည ၁၁-နာရီမှာရောက်ခဲ့ပါတော့တယ်။ နွေးထွေးတဲ့ ကျောင်းတက်ဖော် ရဟန်းတော်တွေရဲ့ အပြုံးတွေကြောင့်သာ ဆောက်တည်ရာ ရသွားခဲ့ပါ တယ်။ ဒါပေမယ့် အိမ်အလွမ်းကတော့ မပြေချင်။ (၃) ဒီဇင်ဘာ ၂၅၊ ၂၆ ရက်နေ့တွေမှာ ကျင်းပတဲ့ အိန္ဒိယနိုင်ငံဆိုင်ရာ ပညာသင်မြန်မာရဟန်းတော်များသာယာဖွံ့ဖြိုးရေးအဖွဲ့ကြီးရဲ့ ဆယ်နှစ်မြောက် စုံညီနှစ်ပတ်လည် အစည်းအဝေးကို သူငယ်ချင်းများနဲ့ တက်ရောက်ခဲ့ပါတယ်။ အစည်းအဝေးကြီးကျင်းပတဲ့ ရက်တွေအတွင်းမှာ အဖွဲ့ဝင်တွေအချင်းချင်း မိတ်ဖွဲ့ကြ။ စကားပြောကြနဲ့ ကြည်နူးအားတက်စရာပါ။ မိတ်ဟောင်းမိတ်သစ်တွေ စကားပြောလို့ မ၀နိုင်ခဲ့ကြဘူး။ နှစ်ပတ်လည်အစည်းအဝေးပွဲကြီးမှာ အဖွဲ့ကြီးရဲ့တိုးတက်ရာတိုးတက်ကြောင်းတွေ ဆွေးနွေးကြ၊ ဌာနအသီးသီးရဲ့ အမှုဆောင်များ၊ အဖွဲ့ကြီးတစ်ခုလုံးရဲ့ အမှုဆောင်များ အသီးသီးရွေးချယ် တင်မြှောက်ကြပါတယ်။ အချင်းချင်းမဲပေးကြ ပျော်စရာမြင်ကွင်းကို မြင်ရတော့ ရင်ထဲမှာပျော်ရွှင်မှုတွေ ကူးစက်လို့ တစ်ခါတုံးက “အမေသို့” ဆိုတဲ့ကဗျာလေးရဲ့ အပိုင်းအစလေး တစ်ခုကို သွားသတိရမိတယ်။ “စိန္တေရှင့်တရားသတင်းစကားတွေနဲ့ ကမ္ဘာတိုင်အောင် ချဉ်းမယ့်သားပေါ့လို့ ဂုဏ်ယူရတဲ့ အပျော်ထက်၊ ရင်ခွင်ဆီ မဆိုက်ကပ်နိုင်တဲ့သားကို မရောက်တာကြာပေါ့လို့ မျှော်ရတဲ့အမော ဘယ်အရာက စီးစီးပိုးပိုးရှိခဲ့လေမလဲ”တဲ့ အဲဒီကဗျာလေးထဲကလို အဖွဲ့ကြီးရဲ့ ညီနောင်အချင်းချင်း မဲပေးကြသလို ကိုယ့်ဘ၀အောင်မြင် ဖို့အတွက် ရင်ခွင်ကိုဟာလာကျင်း အလွမ်းမျက်ရည်တွေနဲ့ မဲအပြည့်ပေးကြတဲ့ အမေနဲ့ ညီမလေးတို့ရဲ့ မေတ္တာသံယောဇဉ်တွေက ကမ္ဘာ့သာသနာပြုအိပ်မက်တွေမက်ရင်း မေတ္တာရင်ခွင်နဲ့ဝေးနေသူ ရဟန်းတစ်ပါးရဲ့ ရင်ထဲမှာတော့ စူးနစ်ခဲ့ပါတယ်။ ညီနောင်တို့ရဲ့ အချင်းချင်းဆွေးနွေးပွဲမှာ ပညာရေး၊ လူမှုရေး၊ကျန်းမာရေးဆိုင်ရာများ၊ ပရဟိတဆိုင်ရာလုပ်ငန်းရပ်များကို အဆိုတင်သွင်း ထောက်ခံဆွေးနွေးလို့ သက်ဝင်လှုပ်ရှား နေတဲ့အချိန်မှာ အတွေးထဲမှာတော့ ငါလည်း တစ်နေ့ကျရင် ပညာရေးတွေ ကျန်းမာရေးတွေ ပရဟိတလုပ်ငန်းတွေကို ဘယ်လိုလုပ်မယ်၊ ဘယ်လိုစီမံကိန်းတွေ ပြင်ဆင်ထားသင့်တယ်စတဲ့ အတွေးတွေဟာ ခေါင်ထဲမှာနေရာယူနေခဲ့ပြန်ပါတယ်။ အနာဂါတ်ဘ၀အတွက် ပြင်ဆင်ရမယ့် ခရီးကြမ်းကို မှန်မျှော်ရင်း တိုက်ဆိုင်မှုအလွမ်းလေးတစ်ခုက ရင်ထဲဝင်ရာက်လို့ လာခဲ့ပြန်ပေါ့။ ပညာသင်ခရီးထွက်လာခါနီး မှာလိုက်တဲ့ မိဘဆရာသမား ဆွေမျိုးများနဲ့ ကျေးဇူရှင် အပေါင်းတို့ရဲ့ မှာတမ်းချွေစကားဟာ ပဲ့တင်ထပ်လို့၊ ကျန်းမာရေးဂရုစိုက်ဖို့၊ ပညာကြိုးစားဖို့၊ ပတ်ဝန်းကျင်နဲ့ တည့်အောင်နေဖို့ သူများနိုင်ငံမှာ အစစအရာရာသတိရှိဖို့ စတဲ့မပြီးဆုံးနိုင်တဲ့ သူတို့ရဲ့အသံတွေ နားထဲမှာကြားယောင်ကာ လွမ်းမောနေမိပါရဲ့။ (၄) အစည်းအဝေးကြီးအပြီးနောက်တစ်ရက် ဒီဇင်ဘာ၂၇-ရက်နေ့၊ နေ့ဆွမ်းစားပြီးတာနဲ့ နေထိုင်ရာဗာရာဏသီကို ညီနောင်တို့နဲ့အတူ ကားနဲ့ပြန်ခဲ့ကြတယ်။ ကားစထွက်ချိန် ၁၂း၃၀ နာရီတိတိ။ ကားပေါ်မှာပါလာတဲ့ အဖွဲ့ကြီးရဲ့ အထွေထွေအတွင်းရေးမှူးနဲ့ ဗာရာဏသီဌာနဥက္ကဋ္ဌဆရာတော်များရဲ့ စီမံဖန်တီးမှုနဲ့“ Seminar on the Bus” (ဘတ်စ်ကားပေါ်က နှီးနှောဖလှယ်ပွဲ)လေး ပေါ်ပေါက်လာပါတော့တယ်။ တင်ဆက်သူ(Presenter) အဖြစ်ဆောင်ရွက်သူရဟန်းတော်နှစ်ပါးကလည်း ဒီပွဲလေးကို ပိုပြီးအသက်ဝင်စေခဲ့ပါတယ်။ ကားပေါ်မှာ ပါလာတဲ့ ရဟန်းတော် (၄၅) ပါးလုံး ဘ၀အမြင်၊ ဘ၀အတွေ့အကြုံတွေနဲ့ ရှေ့ဆက်ရမယ့် သာသနာရေးခရီးအတွက် ခံယူချက်တွေကို တင်ပြကြတာပါ။ ဘ၀မှာ တစ်ခါမှ မကြုံဖူးတဲ့အတွေ့အကြုံလေးတစ်ခုပါပဲ ။ ပွင့်လင်းလွတ်လပ်စွာ အချင်းချင်းအလှည့်ကျပြောဆိုကြတာမို့ ငြီးငွေ့စရာကောင်းတဲ့ ခရီးလမ်းဟာ တစ်သက်တာအောက်မေ့ဖွယ်ရာဖြစ်ခဲ့ပါတော့တယ် ပရိယတ်နဲ့ ပဋိပတ်အတွေ့ အကြုံတွေမွေ့ ထုံခဲ့ကြဖူးတဲ့ ပညာတတ်ရဟန်းတော်များရဲ့ မှတ်သားစရာ ရင်တွင်းစကားများက အတွေးများကို ပိုမိုရှင်သန်စေခဲ့ပြန်တယ်။ အသစ်ဖွဲ့စည်းလိုက်တဲ့ ပညာရေးကော်မတီရဲ့ ရှေ့လုပ်ဆောင်ရမယ့် အစီအစဉ်များ ရည်ရွယ်ချက်များ မျှော်လင့်ချက်များ အကောင်အထည်ဖေါ် ဆောင်ရွက်ရမယ့် နည်းလမ်းများ စုံလင်စွာနဲ့ အမောတွေကို ပျော်စရာတွေနဲ့ ဖြေဖျောက်ခဲ့ကြတယ်။ မှတ်သား စရာ သူတို့ရဲ့ဒဿနအတွေးအမြင်တွေက မျှော်လင့်ချက်ရောင်ခြည်ကို လင်းလက်စေခဲ့တယ်။ ဒီလိုနဲ့ တစ်ယောက်တစ်လှည့်စီ ရင်တွင်းစကားတွေကိုပြောလို့ အတွေးကောင်းနေတုံး အစီအစဉ်တင်ဆက်သူရဲ့ ခေါ်သံကြားလိုက်မှ ကိုယ့်အလှည့်ရောက်မှန်းသိတော့တယ်။ သူ့ခေါ်သံကလည်း ကြည့်ပါဦး၊ လောကရဲ့ ဘ၀အမောတွေကို ဥာဏ်နဲ့ သုံးသပ်ဆင်ခြင်မယ့်သူ ရှေ့ကို ကြွပါတဲ့။ ဟုတ်ပါရဲ့ ကိုယ့်ဘွဲ့အမည်ကလည်း အဲဒီအနက်အဓိပ္ပါယ်ကို ကိုယ်စားပြုနေမှကိုး။ ခုမှခက်ပကော ကိုယ့်ခေါင်းထဲမှာက မရေရာတဲ့အတွေးတွေနဲ့ သေချာတဲ့အလွမ်း တွေပဲ နေရာယူထားတာ၊ ပြောစရာခေါင်းစဉ်မရှိ၊ ဒါပေမယ့်ပေါ့လေ အလှည့်ကျတော့လည်း မနွဲ့စတမ်း ပြောရမှာပေါ့ဆိုပြီး ရှေ့ကိုထွက်ခဲ့တယ်။ ညီနောင်တွေကို ကြည့်တော့ အကုန်လုံး တက်ကြွလို့ ဘာပြောမလဲလို့ နားစွင့်နေကြတယ်။ အဲဒီအချိန်မှာ ခေါင်းထဲကို အတွေးတစ်ခု ၀င်ခဲ့တယ်၊ ဘာလဲဆိုတော့ ညီနောင်တို့က ချစ်စနိုးနဲ့ကြည်စယ်ကြတယ်၊ လောကကြီး မကောင်းဘူးတဲ့၊ လောကကြီးမကောင်းဘူးတာပြောတယ် သူတို့ပဲလာပေါင်းနေကြတာလို့ ရယ်စရာအဖြစ်ပြောခဲ့တယ်။ ဟုတ်တယ်လေ ကိုယ်မကောင်းဘူးဆိုရင် လာပေါင်းတဲ့သူတို့ မကောင်းလို့ပေါ့၊ ဒီလိုနဲ့ပဲ ငြီးငွေ့စရာကောင်းတဲ့ ခရီးလမ်းကို ရယ်စရာတွေနဲ့ အဆုံးသတ်ခဲ့ ကြတယ်။ (၅)နာရီကြာအောင်စီးရတဲ့ ဂယာဗာရာဏသီခရီးလမ်းဟာ တက်ကြွတဲ့စကားလုံးတွေရဲ့ တွန်းအားနဲ့ တိုတောင်းသွားခဲ့တယ်။ ဘာပဲဖြစ်ဖြစ်လေ လမ်းဘေးလယ်ကွင်းရိုးပြတ်တောကို ငေးမောရင်း၊ ညီနောင်တို့ရဲ့ အတွေးအမြင်ရင်တွင်းစကားကို နားထောင်ရင်း အတွေးတွေအစား အလွမ်းတွေက ရင်ထဲကိန်းအောင်းလို့ လာပြန်ပြီ၊ တစ်ချိန်တုံးက မြို့ပြပညာသင်ခရီးဆိုပြီး လောကုတ္တရာကိုမှီးသွားတဲ့ သားကို လယ်ကွင်းရိုးပြတ်တောမှာ မျက်ရည်မှုန်ဝါးနဲ့ ကျန်ရစ်ခဲ့တဲ့ အမေ့ရုပ်ရည် မွေးစားအမေနဲ့ ညီမလေးတို့ရဲ့ စိတ်မချတဲ့ပုံရိပ်တွေကို မြင်ယောင်ရင်း မရေရာတဲ့အတွေးများနဲ့ သေချာတဲ့ အလွမ်းများရဲ့ခေါ်ဆောင်ရာနောက်လိုက်လို့ နေထိုင်ရာ ဗာရာဏသီရွှေမြို့တော်သို့ ရောက်ခဲ့ လေပြီ။ ဂင်္ဂါမြစ်ကမ်းပါး အောင်မြင်သူတို့ရဲ့နေရာ မဇ္ဈိမတံခါးပေါက်မှာ ၂၀၁၀-နှစ်သစ်ရဲ့ ခြေလှမ်းအစပျိုးလို့ မရေရာတဲ့အတွေးတွေကိုပဲ မျိုချရမလား၊ သေချာတဲ့အလွမ်းတွေကိုပဲ ခံစားရမလား စဉ်းစားရင်း……………

အမေ့အရိပ်

အမေ့သွေး အမေ့ချွေးတွေနဲ့
လူဖြစ်ခဲ့တဲ့ငါ
လောကဓံကိုမမှုခဲ့ဘူး
အပြုံးနဲ့ပဲ ဘ၀ကိုစခဲ့တယ်။
အမေ့သွေး အမေ့ချွေးတွေနဲ့
ကြီးပြင်းခဲ့တဲ့ငါ
ဘာအပူပင်မှ မရှိခဲ့ဘူး
အမေ့ရင်ခွင်မှာ နားခိုးရင်း
အမေ့ကိုယ်သင်းနံ့ကိုရှူရှိုက်လို့
ဆက်လက်ရှင်သန်ခဲ့တယ်။
အမေနဲ့ဝေး
ငါ့သွေး ငါ့ချွေးတွေနဲ့
ငါ့ဘ၀ကို ငါရေးတဲ့အခါ
အမေ့သွေး မေ့ချွေးတွေ
ငါ့အတွက်
လိုအပ်နေသေးတယ်ဆိုတာ

ခုမှပိုသိလာခဲ့တယ်။

ကမ္ဘာငယ်ရဲ့ နိဒါန်း

ထမင်းစားလို့ အသက်ရှင်
ထမင်ရှင်ဟာ ဘယ်သူလဲ။
ထမင်းဆိုတာ ဆန်ကလာ
ဆန်ကိုရှာတာဘယ်သူလဲ။
မိသားစုတို့ ပျော်ရွှင်ရာ
ပြည့်စုံစေတာဘယ်သူလဲ။
ပြည့်စုံစေဖို့ ငွေကိုရှာ
ခေါင်းဆောင်နေတာ ဘယ်သူလဲ။
အသင်လူသား သင်စဉ်းစားလော့
ကမ္ဘာမြေထက် မတ်မတ်ရပ်လို့
အသက်လည်းရှူ လူလိုလည်းဖြစ်
မေတ္တစစ်ဟာ အမေ့ရွာလို့
ဂုဏ်တင်ချီးမွမ်း ရယ်ခြင်းမဟုတ်
မိကိုလက်ရာ ဘကိုလက်ဝဲ
ပခုံးထက်ဝယ် စာတွေခြယ်ခဲ့။
လက်ဝဲမပါ စာပေမမြောက်
အနောက်နေ၀င် ဆိုစဉ်မရှိ
အမေ့မေတ္တာ လရောက်ဖြာဆို
အဖေနေမင်း ထိန်ပြောင်ဝင်လိမ့်။
အပူနေမင်း ချင်ခြင်းနို့ရေ
သင်ဆိုစေလည်း
ပွင့်စေမာလာ
မှည့်စေသစ်သီး
လင်းအားကြီးလို့ရောင်နီလာ
နေမင်းပါဝါမမေ့ပါနဲ့။
မိသားစုဝယ် ကမ္ဘာငယ်ကို
လူထဲကလူ လူလိုတူဖို့
နံနက်မိုးလင်း အရုဏ်ဝင်းသော်
သားတော်မောင်လှ ထမင်းဝဖို့
နေမင်းကွယ်ပျောက် အမှောင်ရောက်သော်
သမီး မချော ရယ်ရွှင်မောဖို့
နေ့ရောညပါ မအားရှာခဲ့။
အိမ်ရှင်ဇနီး ကြင်ဖက်မီးကို
ကုံလုံပြည့်ဝ မျက်နှာလှဖို့
နေကိုအံတု မိုးကိုတန်ဆာ
နှင်းမှာသခင် မငြိုငြင်ဘဲ
ဘ၀ဇာတ်ခုံ ကကြိုးစုံခဲ့။
ထိုကြောင့် အမေ...
မတွေဝေနဲ့
အဖေ့မေတ္တာ ကမ္ဘာမှာရှိ
လူသိပါစေ... သိပါစေလို့
ကလောင်တစ်ချက်
မှင်တစ်စက်နဲ့
မော်ကွန်းအောင်လံ
ကဗျာချန်ခဲ့...
ထို့ကြောင့် အဖေ...
ထပ်ဆင့်ချွေမယ်
ကျေးဇူးတင်ပြီး ချစ်ပါတယ်။

မှတ်ချက်/ သူငယ်ချင်း i.c ရဲ့ ရင်တွင်းဖြစ် အဖေတမ်းချင်း ကဗျာကို တစ်လောကလုံးရှိ အဖေရှိသူများအတွက်
ရည်ရွယ် တင်ဆက်လိုက်ပါသည်။

ဆောင်းပါး

လမ်း
“လမ်း” ဟူသောမြန်မာစကားကို ပါဠိဘာသာအားဖြင့် “မဂ္ဂ” “ပထ” ၀ီထိ” “ရစ္ဆာ” စသည်ဖြင့်ခေါ်သည်၊ သက်ရှိသက်မဲ့တို့  ဦးတည်ရွေ့ လျားရာ၊တည်ရာမှီရာဖြစ်သည်။ ဦးတည်ရာပန်းတိုင့်သို့ ရောက်ရှိရန် လမ်းသည်မဖြစ်မနေလိုအပ်သည်၊ ရှေးသူဟောင်းတို့ ဖောက်လုပ်ခဲ့ကြသော လမ်းဟောင်းများရှိသကဲ့သို့ နှောင်းခေတ်လူများ ဖန်းတီးခဲ့ကြသော လမ်းသစ်များလည်းရှိကြသည်၊ လမ်းဆိုးများရှိသကဲ့သို့  လမ်းကောင်းများလည်းရှိကြသည်၊ ထိုလမ်းအမျိုးမျိုး၏ အပြစ်အနာကို ဝေဖန် ထောက်ရှု၍ နောက်ထပ်အသစ်တမျိုးကို တည်ထောင်ဖန်တည်းလိုကြသောသူတို့၏ အတွေးအမြင်ဖြင့် တီထွင်ဖောက်လုပ် ခဲ့ကြသောလမ်းများစွာလည်းရှိကြသည်၊ ယင်းသို့ သော အကြောင်းများကြောင့်
လမ်းသည် များစွာဖြစ်ပေါ်လာရသည်၊ ရွေးချယ်လျှောက်လှမ်းရန်မှာမိမိတာဝန်သာဖြစ်သည်။
နေရာတိုင်းမှာလမ်းရှိသည်၊ သက်ရှိများအတွက်သာမဟုတ် သက်မဲ့များအတွက်လည်းလမ်းလို
အပ်သည်၊ နေသွားရာလမ်းကြောင်းရှိသကဲ့သို့ လလျှောက်လမ်းရာလမ်းလည်းရှိရသည်၊ ထိုသဘာဝ
တရားတို့ သည်လည်း မိမိတို့ လမ်းရှိရာအတိုင်းသာ သွားလာကြရသည်၊ သက်ရှိများတွင် အသိဥာဏ်
မြင့်မားသော လူများသာမက အသိဥာဏ်နုံ့ နဲ့ သော တိရစ္ဆာန်များမှာလည်း သူတို့ ဦးတည်ရာအတွက်
လမ်းရှိရန်လိုအပ်ပါသည်၊ မည်သည့်နေရာ၌ အစားအသောက်ပေါသည်၊ မည်သည့်နေရာ၌သောက်သုးံ
စရာရေရှိသည်၊ မည်သည့်နေရာသည် အနားယူအပန်းဖြေစရာကောင်းသည် စသဖြင့်သိရှိထားရပြီး ထိုနေရာအသီးသီးသို့ ချင်းကပ်ရာလမ်းကိုလည်း မှတ်သားထားကြရသည်၊ သဘာဝတရား၏ရိုက်ခတ်
မှုကြောင့် စားကျက်တို့ ပြောင်းလဲတတ်ကြရာ ထိုပြောင်းလဲသွားသော စားကျက်တို့ လားရာကို တခုတ်
တရ သိမှတ်တတ်ကြသည်မှာ အသိဥာဏ်နုံ့ နဲ့ သည်ဟု ဆိုရသော တိရစ္ဆာန်တို့ ၏ ထူးခြားသော အရည်အသွေးတစ်ရပ်ဖြစ်သည်၊ တနည်းဆိုရသော် မိမိတို့ ဘ၀ရှင်သန်ရေးအတွက် လွတ်မြောက်ရာ
လမ်းကို ကိုယ်တိုင်ရှာဖွေတတ်ကြခြင်းပင်ဖြစ်ပါသည်။
ဘ၀ရှင်သန်ရေးသည် အားလုးံအတွက်ပဓာနကျသော တာဝန်ကြီးတစ်ရပ်ဖြစ်သည်၊ စားရေး၊
ဝတ်ရေး၊ နေရေး ဟူသောအရေးသုးံပါးသည် ဘ၀ရှင်သန်ရေးအတွက်အထောက်အခံ ပြုထားသော
သုးံချောင်းထောက်ကြိယာတစ်ခုဖြစ်သည်၊ တစ်နည်းဆိုရသော် ထိုအရေးသုးံပါးသည်ပင် ဘ၀ရှင်သန်
ရေးဖြစ်တော့သည်၊ယနေ့သွားလာလှုပ်ရှားနေရသည်မှာထိုဘ၀ရှင်သန်ရေးအတွက်သာလျှင်ဖြစ်သည်၊
သက်ရှိများသာမက သက်မဲ့များလည်း မိမိတို့ ဘ၀ရှင်သန်ရေးအတွက် ကြိူးစားကြရသည်၊ ကြီးထွား ဖွံ့ ဖြိုးရေးအတွက် မြေဆီ၊ မြေလွာ၊မြေသြဇာကို ရွေးချယ်စားသုးံကြရသကဲ့သို့  နေရောင်ခြည်၏ လွမ်းခြုံမှုကိုလည်း ရရှိအောင်ကြိုးစားကြရသည်၊ အင်အားပြည့်ဖြိုး စိုပြေလမ်းဆန်း တက်ကြွရေး အတွက် ရေဓာတ်၏ ဆွတ်ဖြန်းမှုကိုရရှိအောင်ကြိုးစားရသည်မှာလည်း ကိုယ်တိုင်မလစ်ဟင်း အပ်သော တာဝန်တစ်ရပ်ဖြစ်ပါသည်၊ မိမိတို့ ဘ၀ ကြံ့ခိုင်တောင့်တင်းရေးအတွက် သဘာဝဘေး အန္တရာယ်မှလွတ်ကင်းသောနေရာ၊ ခိုင်မြဲသောအမြစ်တို့ ကိုဖန်တီးရသလို အင်အားချိနဲ့သူတို့ အတွက် မှီတွယ်ရာ ကျောက်ဆောင် ကျောက်ကမ်းပါး၊ သစ်ကြီး ၀ါးကြီးတို့ ၏ အကူအညီကိုရယူကာ ရှင်သန်နေကြရများလည်းရှိသည်၊ တစ်ကိုယ်တော်ရပ်တည်နိုင်ကြသလို အဖော်သဟဲနှင့်ကြီးထွား၊ လုပ်ရှား ကြရသည်များလည်းရှိကြရာ ဦးတည်ချက်မှာ ဘ၀ရှင်သန်ရေးဖြစ်သည်၊ သက်မဲ့ ဟုခေါ်ဆိုရ
သော သဘာဝတောတောင်တို့ သည် မိမိတို့ ဘ၀ရှင်သန်ရေးအတွက်သာမဟုတ် သက်ရှိသတ္တ၀ါတို့၏
အသက်ရှင်သန်ရေးအတွက်ပါ ပဓာနကျသောတာဝန်ကြီးတစ်ရပ်ကိုထမ်းဆောင်လျှက် အထောက်
အကူပေးနေကြသည်၊ ဤသည်မှာ အတ္တနှင့်ပရကို မျှတအောင်ဆောင်ရွက်ခြင်းဟုဆိုရပါမည်၊ သူတို့
တာဝန်ကျေပွန်ပေစွ။
သက်ရှိနှင့်သက်မဲ့တွင် သက်ရှိမှာပိုတာဝန်ကြီးပါသည်၊ ယင်းကဲ့သို့ ကြီးမားသောတာဝန်ကြီးကို
ထမ်းဆောင်ကြရမည့် သက်ရှိသတ္တ၀ါများတွင် လူသားသည် အဓိကကျသော အခန်းကဏ္ဍက ပါဝင်
လျှက်ရှိသည်၊ အကြောင်းမူ သက်ရှိသတ္တ၀ါများတွင် လူသားသည် အသိဥာဏ်အမြင့်ဆုးံသောသူဖြစ်
နေုသောကြောင့်ပင်၊ လူသားတို့ အသိဥာဏ်စွမ်းရည်သည် တစ်ခေတ်နှင့်တစ်ခေတ် ပို၍ပို၍ တိုးတက်လာရာ ရှေးကျောက်ခေတ်မှသည် ယနေ့  သတင်းနှင့်နည်းပညာခေတ်တွင်မူ လူ့ သမိုင်း
တလျှောက်မှာ အမြင့်ဆုးံဟုဆိုနိုင်ပါသည်၊ သို့ ဖြစ်ရာ ကမ္ဘာ့သမိုင်းစာမျက်နှာတွင် လူသားလောက် အသိဥာဏ်အရာ ဖွင့်ဖြိုးတိုးတက်လာသော သက်ရှိသတ္တ၀ါ တစ်စုံတစ်ဦးမျှမရှိပါချေ၊ အသိဥာဏ်ကြွယ်
သလောက် ဖန်တီးထားကြသောအရာများမှာလည်း မယုံကြည်နိုင်လောက်အောင် များပြားလှပါသည်၊ ထိုဖန်တီးမှုများသည် လူသားနှင့်ကမ္ဘာလောကအတွက် ကောင်းကျိုးရှိသကဲ့သို့  ဆိုးကျိုးများမှာလည်း
ကျွဲကူးရေပါသဘော မဖြစ်မနေပါဝင်လာရပါသည်၊ ယနေ့ လူသားတို့ တွေ့ ကြုံနေကြရသော အကောင်းအဆိုးမှန်သမျှမှာ အသိဥာဏ်ရှိသောလူသားတို့ ၌သာလျှင် တာဝန်အရှိဆုးံဖြစ်ပါသည်၊ တာဝန်လည်းယူသင့်ပါသည်၊ သို့  အတွက်ကြောင့် လူသားတို့ ရွေးချယ်လျှောက်လှမ်းသော လမ်းမှာ တာဝန်ယူမှုများ ယှဉ်တွဲလျက်ရှိပါသည်၊ ယင်းကဲ့သို့  တာဝန်ရှိကြောင်းကိုလူသားတိုင်းက သတိမူသင့်
ပါသည်၊ လောကဟူသည် သက်ရှိသက်မဲ့တို့  ပါဝင်သောပြင်ပလောက ရှိသကဲ့သို့  ကိုယ်ပိုင်မိသားစု၊ တစ်ဦးတစ်ယောက်နှင့်သာဆိုင်သောလောကတိုလည်းပါဝင်ကြရာ မိမိတို့ နေထိုင်သောနေရာကို ကာကွယ် စောင့် ရှောက်ရန်တာဝန်ရှိပါသည်။
ပို၍မြင့်မြတ်သော စိတ်သဘောထားရှိသူများမှာမူ ထိုကောင်းဆိုးနှစ်တန်လောကဓမ်နှင့် အခါ
မရွေးလုးံထွေးသတ်ပုတ်နေကြရသောသတ္တ၀ါတို့ ကို လွတ်မြောက်ရာဆီသို့ ကယ်တင်နိုင်ရန်ကြိုးစား
ခဲ့ကြသည်၊ ယနေ့ တိုင်လည်းကြိုးစားနေကြဆဲပင်ဖြစ်သလို နောင်လည်းဆက်လက်ကြိုးစားနေကြမည်
မလွဲပင်၊ စိတ်ကောင်းတစ်ခုအရင်းပြု၍ လွတ်မြောက်ရာလမ်းများ တီထွင်လာကြရာ အဟောင်းရှိသလို
အသစ်လည်းရှိသည်၊အကောင်းလည်းရှိ၏၊အဆိုးလည်းပါဝင်၏၊ ဟောင်းသည်ဖြစ်စေ သစ်သည်ဖြစ်စေ
ကောင်းသည်ဖြစ်စေ ဆိုးသည်ဖြစ်စေ ထိုသူတို့ ၏ မွန်မြတ်သော စေတနာကိုမူ အလေးဂရုပြုရပါမည်၊
သူတို့ တာဝန်ကျေပွန်သည်ဟုဆိုနိုင်ပါသည်၊ ကိုယ်တိုင်ဖန်တီးခြင်းငှါ မစွမ်းသာသောသူများမှာမူ တော်တည့်မှန်ကန်သောလမ်းကို ရွေးချယ်တတ်ရန်လိုအပ်ပါသည်၊ အဟောင်းကိုလိုက်မလား၊ အသစ်
ကိုကြိုက်သလား၊ အကောင်းကိုပွေ ဖက်မလား၊ အဆိုးကိုဆုပ်ကိုင်မလား ရွေးချယ်ရန်များစွာရှိပါသည်၊
အဟောင်းနှင့်အသစ်ကို ခွဲခြားရန်လွယ်ကူပေမယ့် အကောင်းနှင့်အဆိုးမှာမူ သတ်မှတ်ရန်ခက်ခဲသည်၊
အကောင်းအဆိုးဟူသည် လူတို့ သတ်မှတ်ချက်နှင့် နှစ်ခြိက်သဘောကျမှုအပေါ်တွင် များစွာတည်မှီ
နေသောကြောင့်ဖြစ်သည်၊ ယေဘုယျအားဖြင့် မိမိအကြိုက်နှင့်တိုက်ဆိုင်လျှင် အကောင်းဟု သတ်မှတ်
တတ်ကြပြီး မတိုက်ဆိုင်လျှင် မကောင်းဟုသမုတ်တတ်ကြသည်၊ သို့ သော် ဤသဘောထား ခံယူချက်
ဖြင့် ဆုးံဖြတ်လျှင် မှန်ကန်သောလုပ်ရပ် ဟုတ်မဟုတ်စဉ်းစားရန်ရှိပါသည်၊ ယင်းသို့ ဖြစ်လျှင် မည်ကဲ့သို့  ခွဲခြားဝေဖန်ကြမည်နည်း၊ စင်စစ်သော်ကား မိမိ သူတပါး နှစ်ဦးသားတို့ ၏ အကျိုးစီးပွါးကို ထိခိုက်မှု မရှိပဲ အားလုးံအတွက် ကောင်းမွန်တဲ့ အကျိုးဆက်ကို ဖြစ်ထွန်းစေသည်ဆိုပါက အကောင်းဟု သတ်မှတ်ရပါမည်၊ ထိုမူနှင့်ဆန့် ကျင်နေလျှင် အဆိုးဟူ၍သာဆိုသင့်ပါသည်၊ ကိုယ်လျှောက်တဲ့လမ်း ကိုယ်လုပ်တဲ့လုပ်ငန်း ကိုယ်ပြောတဲ့စကား ကိုယ်ကြံတဲ့ အကြံအစည်မှန်သမျှ နှစ်ဦးနှစ်ဘက် အကျိုးဖြစ်ထွန်းစေရပါမည်၊ ယင်းသို့  ဟိုဘက်ဒီဘက်ကောင်းကျိုးဖြစ်ထွန်းနေသမျှ မည်သူမျှ မကောင်းဟုမဆိုနိုင်ပါ၊ မျှတသောတွေးခေါ်မြော်မြင်ဥာဏ်ရှိသူတိုင်း လက္ခံနိုင်သကဲ့သို့  တဖက်သတ်အမြင်ရှိသူများပင် မကောင်းဟုမဆိုနိုင်ကြပါ၊ သတ္တ၀ါတိုင်း ကိုယ်ကျိုးကို ကြည့်တတ်ကြ
သည်မဟုတ်ပါလော။
လူတို့ လျှောက်လှမ်းခဲ့ကြသောလမ်းများတွင် လောကလူသာမန်တို့ အကြိုက် နှစ်ခြိုက်ပျှော်ရွင်
မှုအပေါင်းနှင့်ပြည့်လျှမ်းနေသောလမ်းလည်းပါဝင်ရာ စိတ်ခံစားမှူအလိုသို့ အပြည့်အ၀လိုက်လျှောထား
သောကြောင့် အများကြိုက်လမ်းစဉ်တစ်ခုဖြစ်သည်၊ သတ္တ၀ါတို့ သဘောမှာလည်း မိမိတို့ စိတ်အလိုအ
တိုင်းဖြည့်စွမ်းပေးသောအရာမှန်သမျှကို နှစ်သက်သဘောကျတတ်ကြ၍ အကောင်းဟု ဆိုတတ်သည်၊
ဤသို့ ဖြစ်ရခြင်းမှာ လူသားဆန်သော လူတို့ သဘောထားဖြစ်၍ အပြစ်ဟူ၍ မဆိုသာ၊ သို့ သော် ထိုသူ
များလက္ခံထားသည့်လမ်းမှာလည်း လူတို့ဖြစ်စဉ်သဘောသဘာဝမှလွတ်မြောက်နိုင်ပါ၏လော၊ မလွတ်
မြောက်နိုင်ဟုဆိုပါက လူတို့ တကယ့်လိုအပ်ချက်ကို မဖြည့်ဆည်းနိုင်သည်သာဖြစ်၍ သာမန်ထက် ကျော်လွန်သော လမ်းကောင်းဟု မဆိုနိုင်သည်သာ မဟုတ်ပါလော၊ စသည့်စသည့် မေးခွန်းပေါင်း
များစွာတို့ သည်မလွဲမသွေဖြစ်ပေါ်လာရပါသည်၊ ထိုသဘောကိုစောကြောမိသူများကမူ လူတို့လက္ခံနိုင်
လောက်သည့် လူတို့ စိတ်အလိုသဘောမှဆန့်ကျင်လျက် လမ်းရိုးမှခွဲထွက်ထားသောလမ်းသစ်တစ်မျိုး
ကို တီထွင်ခဲ့ကြပြန်သည်၊ ဤလမ်းမှာ စိတ်အလိုဆန္ဒကိုလုးံလုးံမျက်ကွယ်ပြုကာ ခန္ဒာကိုယ်ကြီးကို ညှင်းဆဲနှိပ်စက်ရသောလမ်းစဉ်ဖြစ်သည်၊ သာမန်လူတို့ ကျင့်ကြံသည့်အတိုင်းကျင့်ကြံနေပါက သာမန်
လူသာလျှင်ဖြစ်နိုင်ပြီး စင်ကြယ်မြင့်မြတ်သူမဖြစ်နိုင်သလို သာမန်လူတို့ လျှောက်သောလမ်းအတိုင်း လျှောက်လှမ်းနေပါကလည်း သာမန်လမ်းသာလျှင်ဖြစ်သည်ဟု ခံယူလျက် ဆန့်ကျင့်ဘက်လမ်းကို တီထွင်လျှောက်လှမ်းခဲ့ကြသည်၊ လူတို့ စိတ်အလိုဆန္ဒကို ဖြည့်ဆည်းပေးနေရသည်မှာ ဤခန္ဒာကိုယ်
ကြီးဖြစ်သည်၊ ဤခန္ဒာကိုယ်ကြီး၏ အင်အားကို ချိုးနှိမ်လိုက်မည်ဆိုပါက စိတ်အလိုဆန္ဒတို့ လည်းအင်
အားချိနဲ့လာပြီး သာယာကြည်နူးလိုစိတ်များ ပါးလျပျောက်ကွယ်သွားလိမ့်မည်၊ ယင်းနောက်တွင်မူ သာမန်ထက်ကဲလွန်သောမြင့်မြတ်သူအဖြစ်သို့ ရောက်နိုင်သည်၊ဤသည်ပင်လွတ်မြောက်ရေးလမ်းစဉ်
ဖြစ်တော့သည်ဟုလည်း ယုံကြည်ခဲ့ကြသည်၊ သို့ ဖြင့် လိုက်နာကျင့်ကြံသူများပြားလာပြီး လူအများ၏
ကိုးစားမှုကိုရလာခဲ့သည်၊ လူအများမလုပ်နိုင်သည်ကို လုပ်ဆောင်နိုင်ပါက လူစွမ်းကောင်းဟုခေါ်ဝေါ်
တတ်သည်မှာ လောကသဘာဝဖြစ်သည်၊ အများနောက်သို့ မလိုက်မူ၍ လမ်းခွဲခဲ့ကြသူများကို လူစွမ်း
ကောင်းများအဖြစ်သမုတ်ကြပြီးထိုသူတို့လျှောက်ရာလမ်းကိုလည်း လမ်းကောင်းလမ်းမှန်ဟု သတ်မှတ်
ခဲ့ကြသည်၊ လူနည်းစုသာ ကျင့်ကြံနိုင်သည်ကို လမ်းမှန် ဟုခေါ်ဝေါ်၍ လမ်းသစ်တစ်ခေတ်ဆန်းလာ
ခဲ့သည်။
ကြီးကျယ်မြင့်မြတ်လိုသူသည်လူအများ၏အမှန်တကယ်ယုံကြည်အားထားရာဖြစ်သင့်ပါသည်၊
အဆန်းတကြယ်တီထွင်ဖန်တီးတတ်ခါမျှဖြင့် ယုံကြည်အားကိုထိုက်သူဟုမမှတ်ယူသင့်၊ သတ္တ၀ါတို့ လို
အပ်နေသော လွတ်မြောက်မှုကို ကိုယ်တိုင်ရရှိထားသကဲ့သို့ သူတပါးတို့ ကိုလည်း လမ်းညွန်ပြသနိုင်
မှသာ အမှန်တကယ်ယုံကြည်ထိုက်သူဖြစ်ပါသည်၊ ထိုသို့ ဦးဆောင်လမ်းညွန်နိုင်သောစွမ်းရည်နှင့်ပြည့်
စုံသူကိုသာ ကြီးကျယ်မြင့်မြတ်သူဟုဆိုနိုင်ပြီး သူညွန်သောလမ်းမှာလည်းလမ်းကောင်းလမ်းမှန်ဖြစ်နိုင်
ပါသည်၊ လမ်းဟောင်း လမ်းသစ်သည် ပဓာနမဟုတ် လမ်းကောင်း လမ်းမှန်ဖြစ်ရန်သာ အရေးကြီးသည်၊ သို့ မှသာ လိုရာခရီးပြီးစီးနိုင်သည်။
အစစ်အမှန်ဟူသည်တစ်မျိုးတည်းသာရှိသည်၊ နှစ်ခုဖြစ်နေပါက တစ်ခုမှာအတုဖြစ်ရန်သာရှိပါ
သည်၊ လူတို့ လိုအပ်ချက်ဖြစ်သော ဒုက္ခ၊ ဒေါမနဿ၊ သောက၊ ပရိဒေ၀ တရားများ ချုပ်ငြိမ်း ပျောက်ကွယ်အောင် လုပ်ဆောက်နိုင်လျှင် လိုရာခရီးပြီးစီး၍ အစစ်အမှန်ဖြစ်သည်၊ ပန်းတိုင်သည် ငြိမ်းချမ်းခြင်းဖြစ်ရာ ထိုငြိမ်းချမ်းရာသို့ ဦးတည်သောလမ်းသည် ယုံကြည် အားကိုးထိုက်သည့် အာမခံချက်ပါရှိရသည်၊ အစစ်ဖြစ်မူအာမခံချက်ပါရသည်၊အချိန်အခါမရွေးမှန်ကန်ရသည်၊ ယနေ့ လူတို့ ဝယ်ယူသုးံစွဲနေရသော ပစ္စည်းဥစ္စာများမှာ အစစ်အမှန်ဖြစ်ပါက အာမခံချက်ပါရှိသည်ကိုတွေ့ ရပြီး အတုများတွင်မူ မည်သို့ပင်တူအောင်လုပ်ထားစေကာမူ အမှန်အကန်အာမခံနိုင်သော အရာဟူ၍
မပါရှိပါ၊ အသိဥာဏ်နုံ့နဲ့သူတို့အတွက် ထင်ယောင်ထင်မှားဖြစ်၍ လက္ခံနိုင်စရာရှိရှိသော်လည်း တတ်
သိနားလည်သူတို့အတွက်မူ လက္ခံနိုင်၍တိကျသောအဖြေကိုပေးနိုင်သော အချက်အလက်မပါရှိကြပါ၊
ဤသည်မှာ အတု၏သဘာဝဖြစ်သည်။
ထိုထက်အရေးကြီးသော ဘ၀ပန်းတိုင်ကို ရှာဖွေလျှောက်လှမ်းကြရာတွင် အာမခံချက်ပါရန်
အရေးကြီးလှသည်၊ မည်သည့်လမ်းမှာ အာမခံချက်ပါသလဲဆိုတာကို ကိုယ်တိုင်လေ့လာစုံစမ်းသင့်
သည်၊ အများယောင်တိုင်းမယောင်သင့်၊ “အများညီ ဤကျွဲဖတ်” ဆိုသကဲ့သို့  လူအများလက္ခံလျှောက်
လှမ်းကာမျှဖြင့် လမ်းမှန်ဟုမယူဆသင့်၊ သို့ ဖြစ်လျှင် “ကုန်ရှုးံတော့တစ်ခေါက်၊ လင်ရှုးံတော့ တစ်ဘ၀၊
ဆရာအတင်မှားလျှင်မူ တစ်သံသရာလုးံမောက်” ဟု ဆိုသကဲ့သို့  မိမိဘ၀သံသရာ တစ်လျှောက်လုးံ
အရှုးံကြီးရှုးံသွားနိုင်သည်၊ ထိုကြောင့်ဆရာအတင်မမှားဖို့ အရေးကြီးလှသည်။
ယနေ့ လူသမိုင်းတစ်လျှောက်မှာ ကြီးကျယ်မြင့်မြတ်တဲ့ ဆရာတစ်ဆူအနေနှင့် ဂုဏ်ယူဝင့်ကြွား
စွာ ရပ်တည်နေနိုင်သော ဂေါတမဗုဒ္ဒသည် လမ်းပေါင်းစုံကို ကိုယ်တိုင်လျှောက်လှမ်း၍ လမ်းကောင်း
လမ်းမှန်ကို ကိုယ်တိုင်တိတိကျကျညွန်ပြနိုင်သော ဆရာတစ်ဆူအဖြစ် ထင်ရှားသည်၊ ဂေါတမဗုဒ္ဒညွန်
ကြားပြသသောလမ်းမှာ အာမခံချက်ပါသည်၊ တိကျမှုရှိသည်၊ သေချာမှုရှိသည်၊ လက်တွေ့ ဘ၀နှင့် ဆက်စပ်သည်၊ အများယောင်၍ယောင်ထားခြင်းမဟုတ်၊ ကိုယ်တိုင်ရှာဖွေဖော်ထုတ်ထားခြင်းဖြစ်သည်၊
လူမှုဘ၀ကိုအခြေခံသောကျင့်ဝတ်သီလဖြင့်စတင်သည်၊ တည်ငြိမ်အေးချမ်းခြင်းသမာဓိဖြင့်မြင့်တင်ပြီး
ပညာဖြင့်အနားသတ်ထားသည်၊ စ-လယ်-ဆုးံ သုးံပါးသောကောင်းခြင်းအင်္ဂါနှင့်ပြည့်စုံသည်၊လူမှုဘ၀
ဒုက္ခအဖုံဖုံမှလည်း အမှန်တကယ်လွတ်မြောက်စေနိုင်သည်၊ သူညွန်ပြလျှောက်လှမ်ခဲ့သောလမ်းမှာ လမ်းသစ်ဟု ဆိုနိုင်သော်လည်း စင်စစ်အားဖြင့်မူ ရှေးဗုဒ္ဒအပေါင်းများစွာ ကိုယ်တိုင်လျှောက်လှမ်း ညွန်
ပြခဲ့သော လမ်ဟောင်းတစ်ခုသာဖြစ်ပါသည်၊ သူကြိုက် ငါကြိုက် အများကြိုက်ဖြစ်သော စိတ်အလိုဆန္ဒ
သဘောအတိုင်း လိုက်လျောဖြည့်ဆည်းပေးသည့် အဆင်းလမ်းလည်းမဟုတ်၊ ခက်ခဲကြမ်းတမ်းပြီး မိမိ
ကိုယ်ခန္ဒာကိုညှင်းဆဲနှိပ်စက်သောအတက်လှမ်းလည်းမဟုတ်၊ အဆင်းနဲ့ အတက်ကို အချိုးညီစွာပေါင်း
စပ်ထားသော လွတ်မြောက်ရေးလမ်းစဉ်သာဖြစ်သည်၊ တစ်နည်ဆိုရသော်သင်္ခတခေါ်အဖြစ်တရားအား
လုးံ၏ ချုပ်ငြိမ်းရာ အရှိတရားဆီသို့ ဦးတည်သော အလယ်လမ်းဖြစ်သည်၊ အဖြစ်တရားသည် ၄င်းတို့ 
ဖြစ်ပေါ်လာအောင် ဖန်တီးပေးသော အရာတို့ ၏ နယ်မြေအတွင့်၌သာတည်သည်၊ ဖန်တီးမှုနယ်မြေ၊ အချိန်ကာလ စသော အတိုင်းအတာများဖြင့် ဖော်ပြနိုင်သည်၊ အရှိတရားဟူသည်မှာ သူ့ ပင်ကိုယ်အား
ဖြင့် တည်ရှိနေသော အမှန်တရားဖြစ်သည်၊ လူတို့ တွေ့ ကြုံခံစားနေရသော သဘာဝဓမ္မများမှလွတ်
ကင်းရာကို ရောက်ရှိလိုသူသည် ထိုသဘာဝဓမ္မတို့ ၏ လွတ်မြောက်နယ်မြေကို ရှာဖွေရသည်မှာ မလွဲမသွေလိုက်နာကျင့်ဆောင်ရမည့်အရာဖြစ်သည်၊ ထိုနယ်မြေသို့ ရောက်စေနိုင်သောလမ်းမှာ ဤ
အလယ်လမ်းမှတစ်ပါးအခြားမရှိပါ။
လူသည်ပင်ကိုယ်အရည်အသွေးအမျိုးမျိုး ပိုင်ဆိုင်ထားကြရာ မှန်သည် ကောင်းသည်ဆိုတိုင်း
အားလုးံလိုက်နာကျင့်ဆောင်နိုင်ကြသည်ကားမဟုတ်၊ ဗုဒ္ဒခေတ် သိစ္စည်းဆရာကြီးစကားနှင့်ဆိုရပါမူ
လောကမှာ လူမိုက်နှင့်လူလိမ္မာ လူမိုက်ကပိုများသည်ဖြစ်ရာ လူလိမ္မာတို့ ရောက်ရာလမ်းသည် အမှန်တကယ်ပင်လူကြိုက်နည်းပြီး အနည်းစုသာလက္ခံလျှောက်လှမ်းနိုင်သော လမ်းဖြစ်ရမည်မဟုတ်ပါ
လော၊ သို့ ဖြစ်ပါက ထိုသူတို့ အတွက် ဤလမ်းသည်အချဉ်းနှီးဖြစ်စရာရှိပါသည်၊ အမှန်မှာဤကဲ့သို့ မ
ဟုတ်ပါ၊ လောကသဘာဝတရားများမှ လုးံဝလွတ်မြောက်ရေးအတွက်သာမဟုတ် လောကတွင်းကျင်
လည်နေထိုင်လိုသူတို့ အတွက်လည်း အကျိုးရှိသောလမ်းစဉ်တစ်ရပ်ဖြစ်ပါသည်၊ ဤလမ်းကညွန်ကြား
ပြသသည့်အတိုင်း လိုက်နာကျင့်သုးံနိုင်သည်ဆိုပါက ဘ၀အရည်အသွေးမြင့်မားသူများအဖြစ်လောက
မှာဝင့်ကြွားနိုင်ပါသည်၊ ထိုကြောင့်ဤလမ်းကိုအဖက်ဖက်ကပြီးပြည့်စုံသောလမ်းဟုဆိုရပါသည်။
လွန်ခဲ့သောနှစ်ပေါင်း ၂၅၅၀ ကျော်ကာလကတည်းက အိန္ဒိယနိုင်ငံ မဇ္ဈိမဒေသခေါ် ဗုဒ္ဒဂယာရှိ
အသိဥာဏ်၏ပွင့်လင်းရာ မဟာဗောဓိပင်အောက်၌ သိဒ္ဒတ္ထဟုခေါ်တွင်သော မင်းပျိုမင်းလွင် ပါရမီရှင်
တစ်ဦးက ဤလမ်းကို ကိုယ်တိုင်ထိုးထွင်းသိမြင်ခဲ့ပြီး ဗာရာဏသီမြို့ အနီး သားတို့ အားဘေးမဲ့ပေးရာ မိဂဒါဝုန်အရပ်၌ စတင်ဖွင့်လစ်ခဲ့သော လမ်းဟောင်း လမ်းကောင်း လမ်းမှန်တစ်ခုဖြစ်သည်၊ ဗာရာဏသီသည် စစ်မှန်သောလမ်းကောင်း လမ်းဟောင်းတစ်ခုစတင်ရာ နေရာဖြစ်သကဲ့သို့  ထိုလမ်းသည်မှန်ကန်ကြောင်း လိုရာခရီးပြီးစီးနိုင်ကြောင်င်းကို သက်သေထူနိုင်သော ပုဂ္ဂိုလ်တို့  ဦးစွာပေါ်ပေါက်ရာနေရာဌာနထူးလည်းဖြစ်ပါသည်၊ထိုအချိန်ထိုအခါကစတင်ရိုက်ဟီးလိုက်သော ဓမ္မ
စည်ကြီးသည်ယနေ့တိုင်အောင် ကမ္ဘာလောကမှာ မြည်ဟီးလျက်ရှိနေဆဲပင်ဖြစ်ပါသည်၊ ဤသည်မှာ အာမခံချက်ရှိသော လမ်း၏ စစ်မှန်မှုသရုပ်သကန်ပင်ဖြစ်တော့သည်။ ။